ديكسكوم ONE+ العدد 6 حبات + جيهاز قارئ السكر زي الجوال الصغير بشاشة و تحكم سهل لكبار السن او الأطفال اسهل لهم و اريح هذا حساس سكر يقيس لك السكر طول اليوم ويرسله على الجوال مباشرة، بدون ما تمسح ولا تقرّب الجوال للحساس زي ليبري. مواصفاته: • يعطيك قراءة كل شوي تلقائي • فيه تنبيهات لو السكر نزل أو ارتفع • الحساس يجلس معك 10 أيام + 12 ساعة احتياط لو ماكنت في البيت وقت نهاية الحساس [ يعني بيني و بينكم محد راح يغيره قبل 12 ساعة تخلص 🤣 ] • مقاوم للماء • دقته عالية خصوصًا وقت ما السكر يطيح أو يطلع بسرعة ليش هو أفضل من ليبري؟ • ما يحتاج تسوي مسح بالجوال، القراءة تجيك لحالها • ينبهك قبل لا يهبط السكر أو يرتفع يعني قبل يرتفع سكر يعطيك تنبيه بوقت جيد جدا و قبل ينخفظ و تدخل في قروشة الانخفاضات يعطيك تنبية • يبين لك إذا السكر طالع أو نازل • أريح في النوم والسواقة والرياضة • تحس إنك متحكم بالسكر أكثر اسم التطبيق: Dexcom ONE+ تنزله من الآب ستور أو البلاي ستور. طريقة التركيب: تنظف المكان (غالبًا أعلى الذراع أو البطن)، تفتح أداة التركيب، تحطها على الجلد وتضغط، والحساس يتركب بثانية. بعدها تنتظر شوي ويبدأ يعطيك قراءات. أسهل من ليبري لأن كل شيء في قطعة وحدة. طريقة ربطه بالجوال: تفتح التطبيق، تسوي حساب، تضيف حساس جديد، تمسح الكود اللي على علبة الحساس، وبعد نص ساعة تقريبًا يبدأ يطلع لك السكر مباشر على الجوال. الدعم الفني: الميزة الحلوة بعد إن فيه دعم فني 24 ساعة على الواتساب بفريق سعودي. أي مشكلة تصير لك، تكلمهم وتشرح لهم الوضع وهم يساعدونك مباشرة. بس مهم جدًا: كل ما تركب حساس، خل كرتونه قريب منك ولا ترميه لين يخلص وقت الحساس من يدك. لأنه لو لا سمح الله صار فيه أي خلل، تكلم الدعم وتعطيهم بيانات الكرتون، ويا يحلّون المشكلة لك أو يعوضونك بحساس جديد ونا قد كلمتهم بخصوص حساس وقف قبل ينتهي المدة ب يوم و عطوني جديد 🙂 [ ماصارت لي إلا بعد 4 شهور استخدام ] التواصل. ( Phone number appears when clicking the contact button ) السعر على السوم للحبة