Mitsubishi Pajero 2011 ميتسوبيشي باجيرو 2011، محرك 3.5 ممشى 382081km يمكن يكون بعدين 383000km لانه قابل للزيادة. قير اوتوماتيك 4 سرعات مع تبتروتك. انا مالك ثاني، والمشتري الثالث. المكيف بارد. استمارة جديدة. لكن الفحص منتهي. ايرباقات سليمة. مراتب جلد وتم تنجيد مرتبة السائق وباقي المراتب تحتاج الى تنجيد. الدركسون ايضاً يحتاج تنجيد. ضفيرة مجرحة تحت الدركسون. المسجل وشاشة المعلومات اللي فوق المسجل عطلانه. صمغ ابودبوس دخل في زر امان القير ( يتحرك القير بدون الضغط على الفرامل ). تنقص زيت وقد يكون بسبب جلد بلوف او على الفحص وشوف ايش سالفة استهلاك الزيت والنقص. المكينة تكون على الفحص وانا استخدم السيارة مشواير يوميه للدوام واكثر من مره اسافر فيها بدون ملاحظات ولكن المكينة على الفحص لا استطيع اشرطها هي والدبل بالرغم من اني اشغله بين فترة وفترة عشان ما يجيم وتمام اموره لكن على الفحص ما اقدر اشرط الدبل الا لما يجي واحد يعرف للدبل وللبر ويشوفه كويس ولالا، أو اخصائي دبل يفحصه، ومكيانيكي مكينة يفحصها. القير تمام مافيه شيء. فيها تهريب زيت قدام شوي بس ماعرف من مبرد القير او من الدوده لكني اشوف اثر تحت السيارة بعد الوقوف من مشوار. فيها سمكرة وفيها رش الجزء الخلفي يمين مع معجون. فيها اثر خدوش كثيره على البدي ومتفرقه في اماكن مختلفه. وصدام خلفي يمين مرشوش. قزاز امامي مشعور بسبب حجاره في خط سفر. وقزاز خلفي يوجد به اثار حك. عدد الحوادث 3 في موجز والحمدلله كلها لم تخرج الايرباقات. وتوجد حكة ممتده في الباب الخلفي يمين. قواعد الشبك الامامي وحده منها مكسورة. قد يكون هناك خرم في ديكور الشمعة الامامية يسار بسبب سكروب لم يعرف الفني كيفية وزن النور من المكان الصحيح وخرمه بالخطأ. كسر في الكشافات يمين ويسار. فتحة السقف تحتاج الى فك وتركيب بشكل صحيح، لأني الاحظ وجود نزول عن مستوى التنده. صوت هواء قوي في الخطوط والعزل سيء جداً وصوت بشكل عام من الكفرات اثناء المشي بسرعة فوق 90. شماسة الراكب مكسوره ومفقوده. مسكة الديكور حقت فتحة السقف مفقوده. استخدم فلتر هونداي لانه رخيص ب 15 ويركب نفس القاعدة لانه ارخص وما استخدم حق الوكالة ابو 50. هناك ايام فيها تأخير تغيير زيت المكينة بسبب الانشغال والارهاق وعدم وجود وقت والحاجة للسيارة وتطوف 5000 بدون تغيير.