اشكر اخوي احمد ما شاء الله جدا محترم و مواعيده مظبوطه و شغله ممتاز جدا اخذت منه ظفيره تفصيل لمراوح مكسيما و جهزها لي قبل الموعد المتفق عليه و اشكره على دقته في المواعيد العمل اتمنى لك كل التوفيق
حاب اشكر اخوي ابو سعد على التعامل الممتاز جدا ويشهد الله علي اني سعدت بالتعامل معك شغل وسعر جدا جميل وبتوفيق .
كنت بشتغل سيارتي عند ورشة اخرى كان بياخد 2000 والشيخ احمد اختصر المووضع واعطاني حل لمشكلتي ب50 ريال ورجال صادق واعطاني نصايح وتعب معي بيض الله وجهه انصحكم بالتعامل معه يستحق كل الاحترام والتقدير
الرجال قمه في المصداقيه وسعر بسيط مقارنه بغيره وبالرغم اني كنت مركب عند غيره بمبلغ 4 الاف ولانفع وبغى يحترق موتري بسبه الشغل الردي بس يوم وديتها للاخ بوسعد ضبطت ولله الحمد والمكيف صار ثلج والعزم تحسن بفارق كبير عسى ربي يرزقه من واسع فضله مثل هالناس قليل تحصل الصادق والي يعمل بأمانه واخلاص وبيض الله وجهك على الشغل الطيب والنظيف
ماشاءالله تبارك الله كنت متردد في الضفيره و متخوف من السعر وتواصلت مع الرجال و طمني و قررت اشتري منه ووصلتني و ماشاءالله تبارك الله جوده الاسلاك و الصنع و الكتاوت كلها 100 و جميع التعليمات عليها.شكرا
السلام عليكم شباب انصح كل من بيكنسل كلش مروحه الوكاله ددسن لن جد فرق وياي موتر هادي وعزمه واكيد تقال صرفيه بنزين لن جزاء كبيرر من حمل مكينه يهدره الكلش مروحه ركب لي اخ احمد مراوح مكسيمه على ددسن 2013 شغال ولا غلطه محترف الرجال وفاهم لي ابعد حد وينصح وغيررر كذه ماياخذ وقت ماشاءالله عليه ربي يرزقه يارب فنان وشغال العدل يستاهل منا دعم ونرفع بايادي شبابنا المحترفين انصح بتعامل وياه لي اثبات كلامي يشهد الله على فرق
المشكله اللي كانت عندي بعد تركيب مراوح على جمس 96 امبير البطاريه ينزل وغيرت 3 دينموات ونفس المشكله ف الاخير اكتشفت ان الظفيره اللي تم تفصيلها غلط وتحمل بشكل كبير عالدينمو بعدها تواصلت مع صاحب الحساب وشرحت المشكله وبدون ما اكمل عرف وين المشكله وفصل لي ظفيره كامله ووزع جميع الاحمال على كتاوتات والمروحه خلاها سرعتين وصلاتي عالنبي والله يالربع انه فرق معي الموتر وصار الان يشحن الدينمو عكس اول كان الامبير ينزل الى الخط الاحمر وبعد شغل المهندس احمد صار الموتر يشحن واموره ف التمام انصح الجميع يتعامل معه الله يوفقه وين ماكان سرعه وجودة القطع والاسلاك ماشاء الله لاقوة الا بالله حبيت اعطيكم المشكله
تعاملت مع رجال رهم لي مراوح لومينا على هايلوكس 2012 وماشاء الله شغل احترافي
اشتريت من عنده مراوح وكان تعامل طيب ونصوح مصدقايه بالشغل ويشتغل بأجود الانواع ماشاء الله الكريم واسعاره معقوله جدا مقارنه بأسعار العماله الاجنبيه
اشهد شهاده حق بان الرجال كفو ولا قصر معي وصلتني الطلبيه وموضح كل شي وتصميمه مميز الله يسعده ويرحم والديه عن النار ويباركله بحلاله واسعاره طيبه ورجال سمح
تجربه جيده وسلعه مضمونه وتعامل جيد تم شراء مراوح بسعر منافس وبجوده القطعه