السلام عليكم. اشتريت من ابو راكان وكان رجل قمه في التعامل والتسامح. انصح بالتعامل معه.
ابو راكان جزاه الله خيرا رجل خلوق جدا وعنده مخافة الله لقد اشتريت منه اكثر من سلعة وكانت السلع والله الشاهد كما وصفها ان لم تكن أفضل وللأمانة لمست السماحة في التعامل معه ووجدت قول النبي صلى الله عليه وسلم :(( سمحا اذا باع سمحا اذا اشترى )) ينطبق على تعامل أبو راكان ولديه صدق ودقة في المواعيد ويتحرى الأجر قبل الأجرة. أنصح بالتعامل معه علما أنني والله على ما أقول شهيد لم يكن لي شرف المعرفة بشخصه الكريم إلا قبل اقل من اسبوع وكان حقا له علي أن أقوم بالتقييم من قبيل النصيحة لأخواني في الله. وفقك الله أخي أبو راكان ورزقك الرزق الحلال الطيب وكتب لك البركة في مالك وعيالك وكثر الله من أمثالك.
شخص محترم ووافي وتعامله طيب وذبايحه طيبه الله يوفقه
الصراحه ذبايح ممتازه والله شخص مميز جدا ف التعامل مع الزبون
انصح بالتعامل معه دقيق في الموعدمع التقطيع الممتاز
السلام عليكم بكل امانه الأخ ابو راكان من افضل الناس اللي تعاملت معاهم و سمح في التعامل و اتمنى له التوفيق و الرزق الدائم
أنصح بالتعامل مع أبو راكان شريت منه ذبيحة وكانت طيبة وجابها مقطعة في وقت قياسي وبسعر طيب
السلام عليكم الاخ ابو راكان اشكرك على ذبيحتك وتوصيلها في الوقت المناسب بيضت بالوجه الله يبيض وجهك
شريت منه ذبيحه والشاهد الله انها كفو ووصولها إلى البيت وسلخ ممتاز جدا ونظيف والذبايح من غنمه وعنده احسن من شي في السوق مع الاجانب ماتدري وش الصاحي من المريض.. من الاخير ثقه وسرعه وإنجاز بالتوفيق..
شريت من الاخ ابوراكان اضحية وقام بذبحها وسلخها وتوصيلها الرجل قمة في الاخلاق والصدق ودقة المواعيد .
تعامل ممتاز و اخلاقه حلوه
بيض الله وجهك يا ابو راكان الشهاده لله انسان قمه في التعامل و رقي الاخلاق ونعم الرجل و ذبيحه ما عليها كلام ... بيض الله وجهك
ابو ركان تعاملة معه وشريت منه غنم ويشهد الله انه رجال يسر والله يبارك له في حلاله وماله
بيض الله وجهك علومك غانمه واسعارك منافسه وحلالك يطلق الوجه ويستمر التعامل معك بإذن الله
تعاملت مع الرجال الطيب أبوراكان وما اعرفه إلا بسلامته وأخذت منه ذبيحه ويعلم الله رجال كفو وصاحب أخلاق ومصداقية وأمانه ووصلها إلى باب البيت أسأل الله العلي العظيم أن يبارك له في ماله وأهله وولده ويزيده من واسع فضله.
شريت من الاخ ابوراكان اليوم ذبيحه بكل امانه ذبائحه ممتازه جدا وقام بتوصيلها مذبوحه جاهزه بيض الله جهه والله يرزقه
شريت من ابو راكان أمس ماشاء الله دقة في الموعد ورجل ثقه والذبح والتقطيع والتوصيل كان رائع جدا انصح بالتعامل معه .
اخذت ذبيحة من الأخ ابوراكان بارك الله فيه وفي حلاله وصلها إلى البيت مقطعه جاهزة وأنصح بتعامل معاه
تم شراء ذبيحه من الاخ الفاضل ابو راكان حلاله نظيف جدا ماشاء الله تبارك الله انصح بالتعامل معه