مبرك الحيل

ياجماعة الخير والله العظيم أن هذا الرجل صادق و ناصح لفيت الصناعية كلها وجميع الورش قالو غير كمبروسر وثلاجه واديتر وتواصلت معاه واصر أن الخلل من حساس الكمبروسر وفعلا غيرت الحساس وارجع المكيف جديد أسأل الله أن يرزقه ويستر عليه وين ما يروح

غيرت عنده حساس كمبرسر سييرا 2015 بعد ما مريت جميع ورش الرياض وكلهم كانوا يقولون لي عير كمبرسر مع رديتر. الله يجزاه خير رجال صادق وخلوق بارك الله فيه شغل نظيف وسريع

يشهد الله انه رجل صادق وامين ويستاهل كل خير جيته بعد مايئست من الورش صلح لي الكمبروسر باستبدال حساس فقط وفي خلال اقل من نص ساعه ورجع مكيف السياره ثلاجه واكثر من 6 ورش كانو يقولون غير كمبروسر

اقسم بالله بدلت الكمبرسون ثلاث مرات ولا احد عرف المشكله الا ابوساره مشاء الله الله يبارك له في حلاله ويرزقه

ونعم الرجل ونعم الاخلاق ويقدم لك النصيحة قبل الشغل

الله يعطيك العافيه ي عبدالله عز الله شغلك نظيف ومشكور وماقصرت

السلام عليكم ورحمة الله وبركاته اشهد بالله إنة رجل آمين ومخلص في شغلة وحريص على الزبون وشغلة نظيف وتعاملة طيب ولبق والطاقم اللي معة جدآ كويسين شهادة لله ويستاهل العنوة من جد

ماشاء الله تبارك الله انسان صراحة يستاهل كل خير شغله تمام وانسان يخاف الله ويفهمك ويعطيك زبدة حتى لو ما تبي تصلح عنده يعطيك زبدة وقرارة لك مره مره شكرا ابوسارة

بيضا الله وجهك وجعل والديك بالجنة عزالله الرجال ماقصر يخدمك وينصحك سواء اشتغلت عنده ولا عند غيرة الموتر بعد مانظف دورة التبريد وركبت مروحه اضافية الديكورات داخل الموتر صارت بارد ماشاء الله تبارك الله

تعاملت مع الرجال الطيب هذا والشهاده لله انه رجال صادق وناصح وامين وخبير في مجاله ويقولك بالصراحه فأنصحكم بالتعامل معه بشده

ما شاء الله شغل نظيف جدا . المهندس عبدالله. الله يعطيك العافيه على هذا الشغل.

الله يعطيه العافية نصوح

شهادة حق والله العظيم مريت اكثر من ورشة واجمعوا على ان الكمبروسر يحتاج تغيير ولكن زيارة واحدة لهذا كانت كافية لإصلاح المشكلة حيث تبين ان المشكلة كهربائية فقط ولولا الله ثم هو كان دفعت فوق 3000 ريال ولكن الحمدلله اني زرته.

انصح بالتعامل معاه انسان يخاف الله وعارف وفاهم في شغله وقمه في الاخلاق عسى الله يوفقه ويرزقه.

الرجال سمح بالبيع وبضاعته كما في الوصف

التقيمم : فوق التقيم للامانه فاهم في شغله وفوقها يضمن لك شغله كامل مع الاسف انخدعت كثير وجيته وحل مشكلي في يوم واحد . اوصي التعامل معه لمصداقيته + ضمانه

الله يعطيك العافيه يابو ساره صراحه شغل نظيف ويستاهل 10 10 للامانه شخص صادق وواثق في شغله الله يبارك لك في رزقك

الله يعطيك العافيه يابو ساره صراحه شغل نظيف ويستاهل 10 10 للامانه شخص صادق وواثق في شغله وعماله متمكنه في شغلها الله يبارك لك

سيارتي تاهو كان الي جيتهم كلهم يقولون كومبرسر وبيكلفني 3الاف ريال. الا هالرجال غير حساس وفلتر واشتغل مكيف موتري مثل اول وكلفني 870ريال بس الله يبارك له في رزقه

الله يبيض وجهك يشهدعلي الله اني اول مره اجي ورشه نفس كذا وتعامل طيب ونصوح وانصح التعامل معه

الله يجزاه خير اكتشف مشكلة التكييف عندي قبل ما اغير الكمبريسر والرديتر والثلاجه بسبب تخمين حقين التكيف الله يوفقك يارب

الله يجزاه خير اكتشف مشكلة التكييف عندي قبل ما اغير الكمبريسر بمبلغ وقدره .. شاب سعودي واقف على شغله بنفسه .. الله يبارك له ويوفقه انننننصح بالتعامل معه

بفضل الله سبحانه وتعالى لقيت ضالتي انا صاحب السيارة الحين استلمتها بسم الله ما شاء الله هذا التبريد الي كنت ادوره وانصح بالتعامل مع حبيبنا قمة في الاخلاق و التعامل اسأل الله سبحانه وتعالى ان يرزقه

اسال الاه يباركلك ويوفقك وحسن تعامل وسرعه في الارسال وكذالك التوجيه وانصائح في استخدام السلع المشتراه الف الف شكر لك يابوساره

موتري هوندا اكورد 18 والله جلست شهر وعقدوني الورش واجي عند ذا الرجال الله يبيض وجه والله انه م قصر وشغلهم بطل العطل كمبريسر والله م قصر لا ب السعر ولا ب الشغل الله يرزقهم

جيته معي كامري 2020 كل الورش يقول كمبريسر وطلع حساس الله يرزقه وكثر خيره

رجل محترم وثقه الله يبارك له

الصراحه رجال محترم وشغله ممتاز ويخاف الله والله ييض وجهه

ممتاز الله يوفقك ويبارك لك

معي كامري كان فيها مشكلة في الكمبرسر وكل ماجيت محل قال غير لين حصلت المحل هذا وراعيه ابو ساره الله يوفقه ويبيض وجه ماقصر فحص الكمبرسر وطلع حساس وفر علي قيمة كمبرسر جديد الله يعطيه العافية شغله ذمه

الله يسعده ويوفقه حل لي مشكله تبريد المكيف

ولله تعامل صاحب المحل والشغل نظيف جدا وشي ولله يجمل الله يسعدهم ولله وجايه من الشفا متعنيله توصيه يستاهل العنوه الله يوفقهم

الف الف الف شكر يعلم جيته وفكني من كمبرسر قيمته في الوكالة 4900 ريال شهادة حق الرجل نصوح جدا وواثق من شغله وصادق في كلامه

الله يبيض وجهه ما قصر منصح ولا يخليك تحتاج شيء وواقف على حلاله الله يرزقنا وياه من واسع فضله

ماشاء الله تبارك الله ع التعامل والشغل طلعت والمكيف ثلج ماشاء لله 👍🏻 علما باني جايكم من جازان خصيصا لمحلك والحمدلله ماخاب ضني

الله يجزاك خير على الامانه

شهادة لله الشغل نظيف ومصداقيه بالعمل واخلاق عاليه بالتعامل مع ابو سارة والعاملين عنده سيارتي افاالون 13 غير الحساس وزيت وكل شي الحمدلله من افضل ما يكون

الله بيض وجهك على الشغل وعلى النصح

رجال شقردي ي جماعة وشغل نظيف الله يوفقه احبابك الزلفاوية

ماشاء الله ..كلمة حق تقال في حقه..مثال يقتدى به للأمانه ومراعاة مصالح الناس ..وفر علينا تغيير كمبروسور ..الله يبرد على قلبه مثل مابرد قلبي

يا إخوان والله أحلف بالله وأنا صادق إني جيت عندهم بعد سنة معاناة في الورش جيت للأخ عبدالله بيض الله وجهه والله يا مكيف السيارة رجع وكالة بفضل الله ثم شغلهم الطيب ناس تشتغل وتخاف الله بشغلها .

شريت من ابو ساره مشاءالله عليه صادق في كل حاجه قاله لي الله يوفقه وين ما كان رجال بمعنى الكلمه الله يوفقه

الله يوفقك والله. ناس تشتغل على السليم. وشغلهم نضيف ويحلون مشكلتك سوا في الكهرباء او التكيف والله لفيت الصناعية القديمة. مشكلة في مكيف سبارك ووصلت عندهم في اقل من ربع ساعة تم حل المشكلة واصلاحها

اشكر صاحب المحل على حسن تفهمه وصراحته مع زباينه واسأل الله ان يبارك له فيما اعطاه لكن نصيحتي لك العامل اللي عندك اجودي عطه حقه في الراحة وشكرا نتمنى لك دوام النجاح والتوفيق يارب❤

تعامل ما شاء الله ومصداقيه بالعمل الله يبارك له كل الورشات قالو لازم تغير كمبروسر ولازم روديتر والمشكله طلعت حساس

الله يبيض وجهه غيرت عنزه حساس واغلب المحلات الي جيتها قالوا لي كومبرسر الله يوفقه ويرزقه الرزق الطيب

رجل اخلاق وعمال المحل اخلاق وشغل فنان غيرت كومبرسر مع التنضيف والحين ماشاءالله تبارك الله ثلج كامري 2008

جيته بعد ما اغلب الورش قالوا تغيير كمبرسر ورحت لبو طلال وشيك على الكمبرسر وقرر تغير الحساس وقال اذا مازبط لاتدفع شي بيض الله وجهك ورحم الله والديك كورلا 2012 كلفتني 550 حساس مع شغل اليد

تم تركيب كمبروسر امريكي وكالة وللامانه التبريد لابعلى عليه والاخ عبدالله صاحب خبرك وينصح ويعلمك وش الافضل لاحد ينغش بكمبروسر دينو اللي يبي كمبروسر وشغل نضيف يروح لعبدالله

بيض الله وجهك ي عبدالله وكثر الله من امثالك يعلم الله ويشهد ربي على كلامي مريت اكثر من ورشه وكلهم قالو تغير كمبرسر مع رديتر بتكلفه عاليه والحمدلله رحت عند عبدالله وحسم الموضوع بأقل من ساعه وطلع الموضوع فقط حساس وغيره والحمدلله المكيف تمام ولا فيه اي مشكله وفر عليه أكثر من نص المبلغ رجال كفو ولا ياخذ الا حلال الله يبارك له

السلام عليكم حياكم الله جميعا تعاملت مع الاخ عبدالله (ابوسارة ) في اصلاح مكيف كيا كادينز 2013 اتصلت عليه وحدد لي موعد وفحص المكيف وكان العطل حساس طلبة منه تنظيف الدائرة وتغير رديتر و و الخ قال مايحتاج ابدا الحقيقة الرجل واقف ع شغلة وفاهم ونصوح وامين ويعطيك من الاخر اسال الله له البركة والتوفيق علما باني مريت ورش كثير الي قال غير ثلاجة والي قال كمبروسر والي قال ريديتر ( مشكلتي عند تشغيل المكيف ياخذ وقت بعدين يبريد وعند الوقوف يفصل التبريد ) ابو عبدالله حسم الموضوع في ساعة

يا أخوة يشهد الله علي ماطبيت بمهندس مثله رجال كفو واجودي وشغله واضح ومهندسين فوق الممتازي ومرن بشكل ماتتوقعه مع الزبائن جيته من الشرقيه وماقصر معي اخونا عبدالله العتيبي ومايقصر ابدا يشهد الله علي

من افضل واصدق مصادقيه المهندس عبدالله. بيض الله وجهك. الرجل هذا اشتر من عنده وروح محله وانت مغمض. عندك خلل في الموتر. الحل عنده الله يعطيك الف عافيه يابو ساره ✅. مصادقيه. تعامل اخلاق سرعة رد. موجوده ماشاءالله تبارك الله عليه

لكزس جي اس 13 صلح الحساس والبلف الله يبيض وجهه

الاخ عبدالله افضل شخص تم التعامل معه من ناحية التكييف للافالون شخص فاهم شغله وقليل مثله وباحترافيته وفهمه للشغله ولا حصلت احد يضبط مكيف الافالون مثله انسان نصوح انصح بالتعامل معه وبشده

الله يعطيه العافية شغله نظيف ويستاهل مريت اكثر من واحد قالو لازم تغيير كمبروسر ورحت له غير البلف والحساس وتنظيف الدايره ورجع المكيف وكالة

ونعم الرجل الاخ عبدالله وليت ربي يكثر من امثاله والله يجزاه خير ساعدني بمشكله في سياره لي افلون 2011 اغلب المحلات قالوا كمبروسر والرجال ارسلي القطع الى الجنوب حساس وبلف ثلاجة

كان عندي المكيف يفصل ويرطب جيت لورشة عبدالله الله يكثر من امثاله ما قصر معاي شخص المشكله وحلها فقط كان تغيير حساس علما ان مريت اكثر من ورشه في الصناعيه القديمه قالولي لازم تغير كمبروسر

تجربتي مع سيارتي كامري خرب معي كمبروسر الوكاله (الحساس) وبدلته بدنسو تجاري ومازبط ورهمت مرتين كذلك مازبط وثقل السيارة وزاد صرفية البنزين لكن كنت محتفظ بكمبروسر الوكاله وسمعت عن ابو سارة ووديت السيارة له جزاه الله خير يارب غير لي قاعدة الكومبرسر والحساس والحمد لله رجع وكاله مثل اول وأحسن الله يجزاه الف خير ويكثر من امثاله

الله يوفقه شغله جميل ويستحق مني جزيل الشكر

مكيف كامري 2012 سنين وانا اصلح فيه ولا انتهت مشكلتي الا عند محل ابو ساره ما قصر بيض الله وجهه غير حساس وبلف وسوى تنضيف كامل للمكيف وحصل ايضا تهريب بالرديتر لو ما نبهني راحت المكينة تعامل امانه وصدق

الرجل هذا جيته وغيرت عنده حساس كمبرسر لكزس es350 وابشركم من افضل مايكون قالو لي غير كمبرسر والكمبرسر تعبان والكلام هذا كله رحت للرجال وسنع امور الموتر من افضل مايكون بالمختصر مكيف موترك يفصل رح له

انصح بالتعامل مع الاخ عبدالله فعلا صدق وامانه ومهارة عندي كرولا ذهبت الى عدة ورش وجميعهم قالوا الكمبروسر عطلان وجيت لاخ عبدالله طلعت المشكلة حساس فقط والله عى ماقول شهيد

الله يعطيه العافيه جبت له لكزس 2016 راعيها اللي قبل لاعب ف المكيف لعب وماقصر ضبطها من الى 👍

عندي سياره لكزز 2011 رحت كل المحلات قالو تغيير كمبروسر رحت عند الاخ الله يعطيه العفيه غير لي الحساس وغير البلف ونضف الموصير وتضف الرديتر وفحص الثلاجه ووثق لي كل شي انا تركت سيارتي عنده وهو اشتغلها شغل امانه انصح تجون عنده حتى ولو من مناطق اخرى لاتقول خساره وتكلف تراء شغله نضيف ويستاهل يعطياك الف عافيه والف شكر لك 🌹🌹🌹

اشكرهم على حسن المعاملة وشغلهم الثقة

رجل امين وحريص على الموتر كنه موتره .. يشهد الله خدمه وتوضيح للاعطال ويعطيك اسعار مناسبه .. كسبت زبون حقيقه

سيارتي لكزس 350 ES 2014 الله يعطية العافية فعلا القوي الأمين ظبط لي المكيف من أروع مايكون وبسعر معقول غيره كان يبي يغيير كل دائرة المكيف مع الكمبرسر.... الف شكر

الله يبيض وجهك من افضل ناس الى خدمني ب افضل الاسعار و كل محلات قالو عندك كبرسر و بكل مصداقيه ضبط السياره الى طلع فيها حساس فقط

الله يبيض وجه عبدالله على التعامل الطيب والشغل الطيب وماقصر دلني على كذا محل واشتغل في موتري اصلاح مكيف وضبط ولله الحمد مع اني مريت كذا ورشه وكلن يقول كلام منهم واحد بغى يفك الثلاجه ب1000 واشتري ثلاجه ب900 كله كلام فاضي الله يرزقك ياعبدالله وسلامتكم ..

شغل نظيف وتعامل ممتاز .. صاحب الورشة سعودي يشرف على العمال .. غيرت عندهم بلف ثلاجة المكيف وحساس الكمبرسور وتظفوا لي الرديتر الشغل فوق الممتاز الله يوفقهم ويجزاهم خير

الله يعطيك ماشاء الله شغلكم ممتاز

حقيقة رجل وتعامل ممتاز وكان السياره سيارته اهتمام ومتابعة انصح بالتعامل معه بشدة

قسم بالله شقلهم راااااع جدا 👍🏻👍🏻

مصداقية في التعامل وسرعة في توفير وشحن البضاعة والقطع المطلوبة وتوفير حساس كمبروسر دينسو اللكزس وتويوتا وهذه القطعه نادره وصعب تلاقيها في السوق شحنها ووفرها لي مباشرة انصح الجميع بالتعامل معه

شغله جميله اشتغلي على موتري اوريون 2009 شغله نظيف جدا

الأخ عبدالله قمة الأخلاق والتعامل والله يبارك له ويوفقه

الله يعطيه العافية القلص ممتاز ومثل الوصف

شغل الرجال ماعليه كلام وأمين والله يجزاه خير ويصورلك شغله اول بأول كأنك عنده فالورشة الله يجزاه خير ويرزقة

اشتريت من الرجال بقي بولاريس مشاءالله تبارك الله افضل من الوصف الف شكر تعامل راقي وامين وخلوق استفدت منه الكثير 🙏🏼

تم تصليح مكيف افالون 2011 عند الرجال واشهد انه ثقه وغير ونظف وشغله ممتاز الله يرزقنا وهو من واسع فضله

تم اصلاح مكيف افالون 2012 بعد معاناه مع الكمبروسر وغيرته لاكثر من مره قبل معرفة الاخ عبدالله واستلمها الاخ عبدالله وقام باصلاحها وتنظيف الدائرة كاملة وتركيب كمبروسر وكالة مستخدم وتم حل المشكلة

اصلن التقييم مايوفي حق الرجال هذا يا رجل معرفته كنز معدنه طيب والله يرحم والديه ويعود عليه ويرزقه من واسع فضله

تعامل بكل صدق وأمانه وإنجاز فوري

تم شراء دباب من الأخ عبدالله ونعم الرجل اكرمنا بتخفيض السعر واكرمنا في بيته.. انصح بالتعامل معه.. بارك الله فيه

اشتريت من الاخ مبرك الحيل راديتر وارسله لي وطلع نفس كلامه رجل صادق بمعنى الكلمة حتى انه دفع رسوم الشحن قبل توصله الحواله الله يجزاه خير ويكثر من امثاله

الاستاذ عبد الله من خيرة الناس سمح في التعامل و صادق الى ابعد الحدود اشتريت منه سيارة و أنجز كل عملية البيع بقمة اللطافة و السلاسة و كانت السيارة مثل الوصف و وضح لي كل العيوب جزاه الله كل الخير

رجل صادق وواضح تعاملت معه وكان مثالا للوفاء والأمانة والله على ما أقول شهيد

شريت من عنده قطعة معدات ثقيل وشغاله وسعر مميز انصح بالتعامل معه امانه وصدق ودقه مواعيد

للامانه والله على ماقول شهيد رجل فاهم عمله وامين اخلاق عاليه جداََ انا تعنيت له من الاحساء بس فعلا يستاهل العنوه

الرجال صلح السيارة بكل امانه ما كان فيه اي تاخير ولا تقصير بالعمل وفوق كذا ضمن شغله وانتبه لشغلات نا انتبهت عليها الله يبارك له